第一次幫人整甲!!! [手騰腳震]

哈哈!!   整甲有整左一段日子喇!!

今日處女下海,第一次幫人整甲

原本係諗住自己整自己架,男友介紹佢一個熟客俾我做白老鼠

好采!!!  個女仔都好nice,絕無介意我的"零"經驗

講真....  真係有d驚..... 落筆個下真係有d手震

畢竟都係第一次嘛!!!

*

*

*

*

*

用左差不多一個鐘的時間,完成我的第一次喇!!

真的很開心... 個女仔好滿意我的作品!!!

雖然係分文不收,當中可以吸取經驗嘛!!!

但聽到佢的讚賞,真係好有滿足感,真係開心到飛起

佢勁鍾意我幫佢整左兩個公仔頭haha~~

越化越年輕?? REVLON DNA再生粉底液 , 帶你去體驗!!

強效DNA修護 徹底撫紋
抵禦DNA侵害 雙得抗氧淨白
喚醒DHA保濕力量 持久鎖水

REVLON修復再顏DNA再生粉底液 30ML / 售價 HK$148.00

蘊含專利的DNA再生技術 , 有效保護皮膚細胞DNA , 對抗老化現象
成份有維他命B3、維他命E、西印度櫻桃精華、六胜肽、高效保濕劑
及獨特DNA再生配方 , 能防止皮膚細胞DNA受到損害
 同時亦有SPF20，抵禦紫外線帶來的傷害

樽型以玻璃透明螺旋紋的設計
真很配合DNA這個賣點.....  果然心思細密 , 夠晒特別


這個粉底液 , 共有3隻色調 : 10號 , 25號 , 30號 ( 淺 -> 深 )
我的膚色比較深 , 所以我選擇左30號色


粉底液比較水 , 無咁杰身...  所以好易推開
好似搽lotion一樣 , 感覺好水 , 好保濕


搽完之後 , 唔知大家有無留意到d手指... 
有好多閃令令呢
咪可以令到個妝 , 更加sharp , 更加亮澤!!


試用結果 (10♥滿分)
 遮瑕度 : ♥♥♥♥♥♥ 如果本身d印係好淡色的話 , 就可以遮到
好似我d暗瘡印咁深 , 就要用遮瑕至ok

 光澤度 : ♥♥♥♥♥♥♥♥原本皮膚有點泛紅 , 上左粉底液之後 , 泛紅消失
皮膚明顯有了光澤 , 膚色都均勻左 , 唔再死氣沈沉

 水潤度 : ♥♥♥♥♥♥♥♥由於有透明質酸成份 , 搽上後 , 即時感受到好水

    撫紋度 : ♥♥♥♥♥♥♥眼肚的細紋 , 即時減退左


鳴謝 : Theztyle , Revlon
 

好高興可以試用REVLON既新PRDUCT [DNA再生粉底液]

嘩嘩嘩~~~  修復DNA呀!!!  聽落真係好吸引
對於30出頭的我 , 真係好大需要添!!!

 

快D黎支持♥小豬♥ ♥VV♥

各位靚靚blogger 美女~~ 

 

 

HIHI!!  我地係貓貓VV & 狗狗小豬

我地參加左U Magazine

明星貓狗 Snapshot 大募集

 

請支持一下我 ...

支持一下♥小豬♥同♥VV♥

小豬同vv絕對需要你地既支持

需要你地既一票!!!
1) 先到U magazine "讚/like"
2) 再click入以下link , 按(黑色手指公)就可以投到小豬一票架喇!!
https://www.facebook.com/umagazinehk?sk=app_230127973687426&app_data=view_entry%2F216

 

葡萄籽♥Caudalie Vinexpert ♥緊緻系列

CAUDALIE 哩個牌子 , 對我來說真係好陌生
早前見到好多blogger都有試用哩個brand , 效果都好好

今次終於有機會俾我試到la , thanks theztyle & CAUDALIE
多謝你地俾個機會我了解更多

原來 CAUDALIE 係法國著名的護膚品牌黎架...  ( LALA真係失敬失敬!!! )
Vinexpert緊緻系列 , 一向以抗氧化抗皺見稱.....

唔講真係唔知 , 已有470萬用家見證
* 6天肌膚更感飽滿
** 28天顯著減淡皺紋24%
0% 防腐劑 , 苯氧基乙醇 , 類苯二甲酸脂 , 硫酸鹽 , 礦物油 , 動物測試


今次試用的有 ( 一套4件旅行裝 , HK$399 )
葡萄籽凝采提升精華
葡萄籽凝采眼唇精華液
葡萄籽凝采亮白日霜
葡萄籽凝采修護晚霜

一SET旅行裝已經有齊晒日間同晚間護理 , 真係夠方便!!



葡萄籽凝采提升精華  / 10ML
VINEXPERT FIRMING SERUM

能活化細胞再生 , 提供緊緻抗皺的功效 . 
結合其他成份 , 能深入皮膚底層 , 有效保濕及對抗肌膚衰老. 
同時能舒緩皮膚表層 , 鎖住表層水份 , 防止水份流失
有效緊緻肌膚 , 塑造完美輪廓 , 避免皮膚乾燥

淡黃色的精華 , 有點兒"傑傑"地 , 不過都好易推!!



只要稍為按摩 , 好快就被皮膚吸收!!!
皮膚完全吸收精華後 , 一D都唔覺"立痴痴"又或者好油咁 , 仲好清爽添
感覺到好保濕 , 一D都唔乾
當我按摩手背既時候 , 已經feel到手背d皮膚有d緊緊的
( 唔知其他人會唔會有哩種感覺?? )



葡萄籽凝采眼唇精華液 / 7ML
VINEXPERT ANTI-AGEING SERUM EYES AND LIPS

質感輕盈的精華液能瞬間讓眼部四周肌膚吸收
有效提升緊緻眼部肌膚 , 保濕及撫平細紋
可以預防黑眼圈 , 浮腫及眼袋的形成
讓雙眼即時倍感青春迷人
如用上唇部 , 可作深層修護


深黃色的精華 , 這個比較水一點 , 無咁"傑"



同樣 , 都係好易推開
稍為按摩 , 好快都被皮膚吸收了
感覺同樣水水的.. 



葡萄籽凝采亮白日霜 / 10ML
VINEXPERT RADIANCE DAY FLUID SPF10

質地輕盈 , 柔滑 , 能即時亮澤肌膚
為肌膚提供全方位保護 , 抗氧化及對抗紫外線
整日不斷輸送水份至肌膚底層 , 締造完美無瑕肌膚



白色乳狀的日霜 , 有SPF10
岩晒日間用 , 防曬又可以保濕.... 
由於日霜係乳狀 , 所以搽上面 , 一D都唔會覺得油膩





葡萄籽凝采修護晚霜 / 10ML
VINEXPERT NIGHT INFUSION CREAM

質感滋潤 , 嫩滑 , 能夠促進骨膠原及彈性蛋白的製造
令肌膚更細緻 , 更有彈性 , 同時有效深入肌膚底層 , 滋潤肌膚



質地比日霜 , 更膏狀....  
可能係因為晚霜既關係吧!!!
因為晚間係修復受損肌膚既最好時機
搽上面 , 可能感覺厚厚的feel到好有保護感

就算第二朝洗完面 , 都仍然感覺到好有水份 , 好滋潤




使用了個邊個隻手 , 比起未使用的另一隻手
細紋明顯淡了 , 肌膚亦比較緊緻一點...

經濟之選❤護手護體霜❤Kamill

秋天終於到喇....  冬天好快都會到!!!
哩D天氣 , 好易令到皮膚乾燥.....  又痕又癢
市面上 , 捱出不少 HAND CREAM & BODY LOTION
都會考慮到底好唔好用呢??
真係會搞到花多眼亂 , 無從入手!!!


我要推介俾大家❤Kamill❤哩個品牌
Kamill始創於1956年 , 生產的產品有護甲潤手霜 , 身體潤膚露 , 沐浴露及泡泡浴系列
Kamill的產品超過40多個國家都有銷售
Kamill的護甲潤手霜系列 , 更是最暢銷的產品...
全球潤手霜市場銷量佔首五位

***  真係好利害喔!!!  ***
 



❤Kamill❤ 這系列的護手霜及BODY LOTION以洋甘菊萃取精華
性質溫和又能與肌膚pH值接近 , 可以好快被皮膚吸收
用後感覺清爽滋潤 , 形成天然的保護膜 , 保持肌膚的柔軟

Kamill Sensitive Hand Cream  抗敏護甲潤手霜
100ml / HK $ 29.90



含有洋甘菊精華素及甜沒藥有效滋潤雙手 , 升肌膚彈性
豐富維他命B , 補充肌膚所需的養分
不含礦物油 , 石蠟 , 香料 , 人造色素及添加劑 , 防止皮膚出現過敏
更是皮膚科醫生認可



白色膏狀的手霜 , 帶有清淡既花香
只需均勻塗搽 , 很快就被皮膚吸收


使用前 , 可以看到手指公及中指的甲邊都生有倒刺
測試結果 : 水份 : -3 
                   油份 : -4
                   柔軟度 : -3

使用後 , 甲邊的倒刺不見了...   肌膚都變得有光澤
測試結果 : 水份 : 0 ( 增長了3格 )
                   油份 : +1 ( 增長了5格 )
                   柔軟度 : 0 ( 增長了3格 )


Kamill Sensitive Body Lotion 抗敏潤膚霜
250ml / HK$ 32.90



平時腳踝位置 , 都會好乾...  皮膚有時更會出現爆裂
腳部都會係大多數人忽略的部位來的
只需將適量LOTION , 塗搽腳上 , 加以按摩
乾燥爆裂...   一樣可以消失!!!!



使用前 , 腳踝很乾燥呢 , 細紋更加明顯...
測試結果 : 水份 : -2 
                   油份 : -2
                   柔軟度 : -2

使用後 , 腳踝的情況大大改變了
腳部潤了 , 細紋不見了 , 看起來很有水份的
測試結果 : 水份 : +2 ( 增加4格 )
                   油份 : +5 ( 增加得最多 , 有7格 )
                   柔軟度 : +2 (增加4格 )


Hand Cream & Body Lotion 加埋都唔洗$100....  仲要大支 , 真係有排用喇!!!

LaLa仲對佢地d沐浴露更加有興趣呢......
有好多味道呀.........  希望有機會可以試吓la

鳴謝 : ❤Kamill❤ http://www.kamill.hk/chi/daily.php

蟹皇盛宴食在"鴻星"(◕‿◕｡)❤

正所謂 :「九月團臍，十月尖」哩句說話緊係用黎形容秋季當造的大閘蟹la
農曆9月 ~ 雌蟹蟹質肥美... 到左農曆10月 ~ 雄蟹蟹膏肥腴...
蟹黃即雌蟹之蟹卵 , 蟹膏即雄蟹之蟹精 , 蟹皇蟹后一齊食 , 俗稱鴛鴦蟹... 
聽到都已經食指大動!!!!

11月初 U FOOD 同鴻星就舉辦左一個活動 , 名為 ""先拆後嚐 蟹皇盛宴""當晚有十多人出席哩個盛宴...  而我亦係坐上客之一 , 實在太興奮喇!!!!

 

每個座位上 , 都有自己的名牌....!!!



享用蟹宴之前 , 先來個熱身吧!!! 
當晚有個拆蟹比賽 , 眾參加者都要黎個比試
睇吓邊位才是拆蟹之皇/后.........
係比賽之前 , 鴻星更出動 何寶龍師傅 親自教授我地拆蟹既心得



咁大盤蟹...  睇到都心動....  係一陣用黎比賽架...  (重死我喇!!!)



話咁快 ~~~~   比賽就正式開始了... 
15分鐘時間內最快完成及拆出的蟹粉多及無骨便可勝出!!



好快~~~ 15分鐘時間過去了!!!!  
睇吓我既成績先!!!   還可以喇...  無骨... 不過就包尾~~~ 哈哈



比賽完了....   好想快d食野呀.....
睇吓個菜譜先....   好豐富呀... 



第一道菜 --- 滿漢豬全體 
( 皮脆 , 肥瘦均勻...   岩晒我怕肥既人食!!! )


第二道菜 --- 金肘燉白花膠
( 原盅燉....  "正"!!!   花膠養顏有益 , 個湯一D都唔肥....  岩晒女仕們 )



蟹宴主角出場喇!!!  登 ~ 登 ~ 登 ~ 登~~~
一皇一后 3.5兩
從未如此咁震撼!!!!  成抬都係大閘蟹 ( 興奮到~~ 暈了!! )



    

 

睇吓d蟹...  幾爆膏!!!!  



通常食完蟹 , 就要用佢黎洗一洗對手....  僻一僻d蟹味



食蟹 , 不得不忘要襯上花雕酒......... 哩杯花雕係廿年釀製的
平時極少飲酒的我....  都微微飲左兩口
味道酸酸的....  有點梅子味 , 易入口!!!

 

如果好似我咁 , 飲唔到酒的朋友 , 可以番飲薑茶喔...
薑茶同花雕都可以驅走食蟹帶來的寒氣....
LALA我都飲左唔少薑茶呀...  



飲杯!!!! 

 

食蟹中途~~~  最緊要既時刻到喇!!!
就係要宣佈比賽結果................
恭喜晒所有得獎既參加者

  ( 季軍 ) 

 ( 亞軍 )

 ( 冠軍 )

頒完獎....  又繼續 -------> 食
第三道菜 --- 宜蘭末肉胭脂貝



第四道菜 --- 原隻鮑魚脆金衣
( 金衣即係炸左既腐皮 , 食落口脆卜卜...  幾得意 )



第五道菜 ---  蟹粉跟絲卷
蟹粉跟絲卷 , 好食都爆.... 真係好難去形容俾大家知!!!!
香濃既蟹粉併上外脆內軟的包包
真係好想打包返屋企慢慢嘆!!!!


第六道菜 --- 蟹粉小籠湯飽
( 其實..... 食到哩道菜....  都已經飽飽地!!! )

第七道菜 --- 竹籠飄香飯
這個都值得推介喔!!!   臘腸又唔肥...  膶腸又好味



最後當然唔少得糖水la



順帶提一提大家 , 鴻星的銀魚仔好好味呀...
作為小食一流!!!!



最後 , 鴻星仲送左我們每人一盒鴛鴦臘腸....
今次真係又食又拎... 呵呵呵~!!!!