Welcome To Lala's: 2012

2012年12月27日星期四

Rosken ~ Dry Skin Cream

寒冷的冬天終於來臨了, 沖涼後總是乾燥爆拆 , 令到皮膚又痕又癢
所以各類的Cream and Lotion通通都要出動

Rosken 是澳洲原廠生產及直接入口的
Skin Repair 皮膚修護系列是專為乾燥及敏感肌膚使用

Dry Skin Cream 洛士健護膚膏分別有75ml (圖) , 250ml , 375ml 及500ml(圖)

Dry Skin Cream 洛士健護膚膏經臨床証實 * 只需四天肌膚雙倍滋潤

其實乾燥既肌膚對於我來說 , 不單只出現於冬天
一年365日我都覺得自己的皮膚比較乾的
還記得年紀還小的時候 , 不曉得乾燥是什麼回事
雙腿常常都出現脫皮的情況 , 而且總是又痕又癢
往往都會"R"到滿地雪花(脫皮)

Rosken ~ Dry Skin Cream 含 Dimethicone 及豐富的橄欖油精華
有超強的修護配方加強保濕 , 效果顯著

500ml優惠裝是扭扭泵的設計 ( 可隨意開闢 )

Dry Skin Cream 有點微香
我泵了一下, 已經泵出很多的份量
這個份量足夠我搽一對手臂了

對於我來說 , 往往最怕搽完cream / lotion 後 , 感覺總是"笠痴痴"
我用了 Rosken ~ Dry Skin Cream 後 , 完全不覺得"笠痴痴"
很爽的 , 爽得來又夠潤 , 而且肌膚都變得滑了一點

來看看我用後的明顯效果吧!!
未用之前 , 可看到皮膚乾乾的更出現了龜烈的細紋
用後 , 細紋Bye Bye.... 皮膚明顯不再乾燥

Rosken ~ Dry Skin Cream 唔單止可以用於全身 , 還可用於手部
75ml 的細支裝 , 可以放於手袋當 Handcream 用都可以 , 易於攜帶呢!!
pH值更是平衡 , 大人小朋友都岩用 , 500ml的優惠裝就岩晒一家大細用喇!!

亞囡快將出世喇 , 到時可以同亞囡一齊用..... 哈哈!!

2012年10月16日星期二

超爽補濕♥Janson Beckett

先來介紹今次試用的品牌 ~ Janson Beckett
品牌係美國非常受歡迎，連International Journal of Cosmetic Science 國際專業期刊都專刊討論
35年來專業致力於醫學護膚研究和製造，並獲得皮膚醫學界極高之評價
Janson Beckett 領先全球運用最先進【三合一強力配方】
5% Leuphasyl，10% Argireline & 10% HeptaPeptide
能減少皺紋的深度及停止阻斷皺紋的形成

這次有幸可以試用Janson Beckett的產品

左 : 全效保濕精華 HexaPeptide Facial Skin Prep
右 : 有機草本舒緩爽膚水 USDA Certified Organic Skin Toner

♥有機草本舒緩爽膚水 118ml HKD220
含有多種天然有機草本、薰衣草、木莓、當歸、甘菊、薑、鼠尾草、百里香、蘆薈

【功效】
維持皮膚適當的PH值、緊緻毛孔
溫和配方軟化角質、恢復健康膚色
融合多種天然植物，能舒緩肌膚、放鬆及釋放壓力
最重要是得到有機認證 USDA『美國國家有機認證』
♥全效保濕精華 30ml HKD320
含有六勝肽、透明質酸、DMAE

【功效】
可顯著改善膚質，煥膚駐顏，減少細紋及深紋，讓肌膚更柔軟及有彈性

先試爽膚水的效果吧！

爽膚水是噴霧裝的，只要按兩至三下 , 就足夠整個臉
而且很快被皮膚吸收，輕拍兩三下，已完全吸引了
還很爽‥‥‥﹗ 薰衣草的香味很特出，感覺很舒服

拍上爽膚水之前，皮膚比較泛紅，因剛洗完臉
將爽膚水噴兩至三下於化妝棉上，再輕拍臉上
有點涼浸浸的感覺，是舒服的
之前泛紅的位置都退紅了一點點

再來保濕精華的效果！

按了一下，都已按出這麼多了
同樣都很快被皮膚吸收，同樣都是爽爽的，不油不膩

用完爽膚水後，便可使用保濕精華
我覺得這個保濕精華很好用，用後不油不膩
保濕效果即時已感覺到

LaLa我本人通常第二朝起床，臉部都會很油的
用了一晚後，第二朝起床都沒有臉油油
再摸一摸張臉，很滑很柔軟，感覺超好！

如想對產品有更多認識及了解，可到以下Janson Beckett官方網址http://www.jansonbeckett.com.hk/chi/index.html

更可以到指定銷售點 :
千葉草專業護膚概念店 Thousandleaves Pro Skincare Shop http://www.leaf1000.com

及各大醫學美容中心 Beauty Salon

2012年10月14日星期日

隱形mask!!

敷緊mask嗎?? 有無諗過mask可以係隱形既呢??
這次我有機會試用美肌之誌的恆久潤澤隱形面膜

重點滋潤肌膚 , 激活細胞再生
促進肌膚新陳代謝 , 為肌膚提供養份

一盒5片裝

主要成分
植物幹細胞(心葉球花)、紅茶中酵母發酵精華、
Ecocert有機白茶萃取液、醣基海藻糖、玻尿酸、
甘草精、納豆膠(聚麩胺酸)r-PGA

適合所有性質肌膚
特別適合細紋、鬆弛、粗糙及敏弱之肌膚

看看未用之前 , 肌膚很乾 , 缺乏光澤

面膜紙真的比一般的很薄 , 敷上面上貼服得很
可以令到面上每寸肌膚都能緊貼面膜
容易吸收精華

敷了20分鐘 , 肌膚水份及柔軟度明顯大大增加
即時變得光澤滋潤!!

用完這5片後 , 我會考慮回購
因為我覺得這mask很適合我這個面形(面細)

最後 , 多謝Beautylife & 美肌之誌給我試用的機會!!

2012年9月9日星期日

街外吃的”家常便飯”

亞媽成日話，唔好成日係街食飯呀．．．　多油又多味精，無益架！
其實而家好多食肆都會講求健康，例如有食肆的食品都會以有營（營養）為提

早前銅鑼灣新開左一間食肆，店名很有意思『家常便飯』
店內主要是小菜為主，全部都無味精，營養豐富，合乎健康文化的飲食要求
今次有幸可以同Ｄ朋友一齊去開餐啦～～～

家常便飯，大家係咪會聯想到　－　住家飯呢？
他們其實都以傳統的家常便飯為原素，再加以創意及變化，製造出新的口味！
店內其實坐位不多，大概可以容納四五十人吧！　環境也算不錯！

吖！！　唔知點解有種回到小時候的感覺
點解？？　因為．．．．．．　

就係雞公碗，雞公杯，連匙羹都係雞公仔
記得細個時，食車仔麵都係用雞公既碗架！！

講左咁耐肚仔餓了，亞Ｂ係咁踢，佢都餓了！
先來個老火靚湯　－　杏汁蝴蝶腩豬肺湯

這個湯是用豬肺頂的部份來餚製，加入白菜
看　～　絕對是真才實料！　
入口更有濃郁的杏仁味．．．　飲得出，真係無加 " 師傅 "架！
＊　每日限量１２煲，想飲就要記得預訂喇　＊

飲完個靚湯，跟住食吓Ｄ香口野先，由上至下介紹吧！
１）蓮藕馬蹄餅
２）芝心花枝丸
３）秘製士多啤梨醬炸魚塊

香口野，緊係唔少得要配吓Ｄ醬黎食啦．．．
分別有１）泰式辣醬　２）自家製日式芥辣蜂蜜沙律醬　３）秘製士多啤梨醬
以我就覺得士多啤梨醬很特別，酸酸甜甜的，很開胃！

最吸引我先食的，就係芝心花枝丸
花枝丸每日由人手打製，所以非常新鮮彈牙
不過當食既時候要小心呀！！　小心俾Ｄ芝士燙到個咀仔喎！
愛食芝士既朋友仔，哩個係推介　～　必食！！

可能好多人都好怕食蓮藕，因為咬一口後，總會拉出一絲絲，蓮藕絲
奇怪！　這個蓮藕餅吃下去，都沒蓮藕絲
再將鮮豬肉加入馬蹄粒，釀係藕片上，食起上黎又爽又脆
不錯不錯！！

這個是魚塊黎架！　龍脷柳，魚柳吃下去，很嫩滑！
配上他們秘製的士多啤梨醬，酸酸甜甜的，就連我這個大人都食唔停
小朋友一定會愛吃！

跟住我地有　～　胡椒蝦
嘩！　熱辣辣，香噴噴，是胡椒及蒜的香味
這個其實並不是很辣的，鑊氣夠，野味才對！

食完Ｄ濃味小菜，來個清清地吧！！
大家知道這是什麼菜嗎？　這碟是番薯苗呀！
可能真係好少人會吃過這個菜，而我都係第一次食咋！

真係睇唔出，番薯苗有豐富的鎂，鈣及膳食纖維

主角登場　～　蝦禾米雞（原隻版）係咪睇見到流晒口水呢！

上抬既時候，當然唔係原隻喇！！
這個米雞，絕對一定要試，雞皮炸到脆卜卜，仲要一Ｄ都唔油膩
其次，雞內的飯，也很好味！
因為飯都吸收晒雞既精華精髓所在

其實，我覺得Ｄ飯太少喇，如果可以多飯，我會滿足多一點，哈哈！！
＊　由於製作工序需時約５小時，並且即叫即炸，所以每日限量１５隻，想食就要預訂　＊

最後黎個飯後糖水　～　南瓜西米露
南瓜都係高纖既蔬菜，多食也無仿
這個西米露，甜味剛好！　多吃兩碗都唔怕喇！！

食到哩度，已經好飽了！
真係要抱住個大肚走．．．　哈哈！！

大家都可能黎試吓吖！

地址 : 銅鑼灣謝斐道379-389號地址6-7號舖
電話 : 2893 9891
FACEBOOK : http://www.facebook.com/homemade.cuisinehk

佢地除左銅鑼灣店外 , 黎緊都會係元朗,將軍澳同其他地方開分店架!!

2012年8月7日星期二

Dove Ultimate White ~ 美白,止汗一take過

很多女生們都愛美白... 面部及身體都可以美白... 腋下都可以架!!
DOVE最近推出 Dove Ultimate White 止汗系列

這系列分別有噴霧及走珠兩款
除左24小時止汗 , 仲可以7日改善腋下肌膚 , 美白 + 止汗!!

Dove的產品一向含1/4乳霜成份 , Ultimate White當然也不例外啦

Dove Ultimate White 止汗香體噴霧

使用方法 :
先將噴霧搖勻 , 按下瓶頂 , 跟腋下距離約15cm左右 , 均勻噴約2秒 , 便可

用後感 :
個人覺得噴霧比較清爽 , 不膩... 而且仲有清新既香味
噴時及用後不會做成粉末或 , 不過要按出噴霧就比較要用一點力嘞!!

Dove Ultimate White 止汗香體走珠

使用方法 : 扭開瓶蓋 , 直接於腋下均勻搽上便可

用後感 :
平時我都係用開走珠或者膏狀的止汗產品
這款我會覺得比較方便使用 , 用既時候 , 止汗液排出的份量適中
而且仲有淡淡既香味 , 用後亦唔會有笠既感覺

2012年6月27日星期三

維特健靈．五色靈芝 ~ 改善身體機能!

其實我對靈芝的認識真係很膚淺
可能睇得電視多卦 , 總是覺得靈芝是老的時候才吃
但原來不是的!!!

靈芝的藥性很溫和的 , 可以調節身體機能
男女老幼都可以食用 , 延年養生 , 保青春... 男士們仲可以補精力添

維特健靈．五色靈芝 ~ 成份是100%純天然野生靈芝 , 沒有副作用
五色靈芝其實是由六種不的靈芝研製而成 , 分別有

白芝 ~ 玉芝 , 補氣
青芝 ~ 龍芝 , 補肝
黑芝 ~ 玄芝 , 補腦
紫芝 ~ 木芝 , 補氣
赤芝 ~ 丹芝 , 補心臟
黃芝 ~ 金芝 , 補胃

以上六種芝加起來 , 真的心肝皮肺腎都可以一齊補

實驗証實 , 服用五色靈芝後 , 體內的抗氧化能力有顯著的提升
12星期能調節血液脂肪粒 , 促進心血管健康 , 減低三高威脅
更証明食用後 , 免疫分子數量及抗病免疫指標均有提升
增強了免疫力......

五色靈芝由膠囊的丸 , 食用方便
每日一次 , 每次一至兩粒 , 一瓶有72粒
計落 , 如果每日一粒 , 一盒都可以食到3個月呢!!!
作為保健食品的話 , 都算抵食的
真係可以慳返唔少睇醫生錢呀!!!

我將一粒膠囊剪開 , 倒出的都是啡色的靈芝粉末 (其實是無味的)
原來一粒已有380亳克的分量

服用五色靈芝後 , 覺得精神方便是有改善的
以前就好似成日都訓極都唔夠 , 而家真係每日訓8個鐘
就會自己起身... 唔會再懶床!!

你們都想試吓五色靈芝的效用 , 可到以下銷售地點:
維特健靈專門店(會員價，可儲積分) 網址:http://www.vitagreen.com/zh/company/stores/

萬寧、屈臣氏、華潤堂

2012年6月8日星期五

.✿~捽呀 ~ ✿捽呀... 捽走底妝話咁易

大家有無諗過潔面卸妝可以一TAKE過呢?
JENNY & TOMMY 的 R.P.T 三重潔淨精華
好似小學生玩泥膠咁 , 捽呀... 捽呀....
捽走臉上所有妝容 , 真係乾淨到你唔信!!

(R.P.T 三重潔淨精華 + 膠原活化精華)

R.P.T CLEANING GEL 120ML
主要成份 : 胺基酸潔淨素、微晶酵素、木瓜酵素
玫瑰精油、高效保濕因子

透明的GEL狀潔淨精華 , 之後會帶俾你又驚又喜
不單可以有潔面效果 , 而且仲可以做到卸妝
用法簡單 , 將GEL塗上乾的面上 , 再以打圈方式按摩全面

原本透明的GEL , 慢慢會粘上臉上的污垢/底妝
之後看到污垢/底妝變成凝膠狀的
(看上圖眼下位置是已粘上底妝的凝膠)

有點嘔心嗎?? 這些就是從面上捽出來的底妝呀

將污垢抺走後 , 可以沾一點點水繼續按摩全面
令到潔淨精華化成乳狀後, 再用清水徹底洗淨

用清水洗完面後 , 再以化妝棉測試一下潔淨程度先
嘩!! 真係超乾淨!! 底妝完全卸得一乾二淨

但要記住 , 眼妝是絕對不能用潔淨精華去卸的

洗完面 , 接下來要做的當然是護膚喇!!

膠原活化精華 15ML
主要成份 : 水、異黃酮素、七葉樹(馬栗樹)粹取、金縷梅、
甘油、蘆薈粹取、銀杏葉粹取、芒果脂

哈哈!! 真的很水呀... 很快就要瀉下來了.....
只需輕輕按摩 , 精華很快已被吸收了
肌膚即時變得亮白潤澤 , 一點都不油不笠

多謝大家支持!!

有興趣可以到 www.bioarchitect.hk 看看
或到她們分店睇吓

Bioarchitect hotline:31015027

銅鑼灣新寧道8號中國太平大廈1期12樓，電話:2117 2779
紅磡必嘉街92-112號紅磡灣中心11-12號地下，電話:2765 0880
旺角梭椏道8號A地下(棗利雅道交界) ，電話: 2110 2191
中環皇后大道中151-155號兆英商業大廈5樓，電話: 3101 5025