官燕棧@一餐纖燕 [試食] ~ 上

四日的聖誕假期又過了,大食大飲過後,每餐吃的不是煎炸的東西,就是肥膩的
加上晚晚都有節目,必定睡眠不足...  皮膚也會變差了
不單止這樣囉~~~  換來就是成口痱滋...  很痛!
我諗都係時候要調一調理吓,清一清個腸胃吧!

官燕棧 一餐纖燕 一盒可以滿足晒我既願望

他們成份都是天然的,包裝上都說明了成份
說明成份不特止,列明成份的功效,很細心!


南瓜五穀燕窩餐 : 南瓜+官燕+馬鈴薯+燕麥+洋蔥+大麥+燕麥仁
蕃茄四蔬燕窩餐 : 蕃茄+官燕+高梁+燕麥+洋蔥+紅蘿蔔+糙米+西芹

蕃茄四蔬燕窩餐 74kcal

南瓜五穀燕窩餐 76kcal

一盒3包,每包200g
獨立的包裝,絕對方便處理

食用方法也很簡單,可以話即開即食,超級方便呢!

* 在公司,我會當lunch食,剪開包裝袋倒出,用微波爐"叮"佢2分鐘,就可以食了
* 在家,我會整包加熱5分鐘,同樣剪開倒出,就可以食了

大家看看,材料十足,口感很好,很有"趙"口
燕麥.. 糙米.. 通通是我的最愛
平時煮飯我都喜愛加埋燕麥一起煮的

其實,這個真的很健康,又無乜油份,清清地... 真的很好!
加上又有咁多穀類在內,對身體及腸道健康也很幫助

蕃茄味的,比較清淡... 酸度我覺得還可(平昤我比較愛吃酸一點)
南瓜味的,我覺得有點兒奇怪... 何解我會咁講呢?
因為南瓜唔係應該是甜甜的嗎??  相反地這個是咸咸的

雖然如此,但兩者相比,我會喜歡食南瓜味多一點,hehe~~

 

 

平~安~夜... 出~血~夜...

平安夜那天,絕對不是一個平安的晚上
敗~敗~敗.......  係id:c敗左哩d野

真係超抵呀...  第1同第2隻只係$69.9咋(原價要佰幾蚊架!!)
保溫水壺我一直都想買好耐
平時係公司用的水杯,都無保溫功能,而家個杯又細
泡茶飲第一浸一定係超濃(因為水少)沖多兩轉就無晒味

今次都係由於哩個選擇困難症發作
加上男友話"咪一個放公司,一個放係屋企用囉"
咁我就買左兩個嘞!!!

至於黑色個果,係買俾男友既聖誕禮物黎架
哩個仲平d添... $59.9 可以當飯壺/湯壺用,內附匙更

甲油就更係買俾自己架喇
set裝個d$79已有3支色仲送埋支點點筆添
而家對住d甲油,真係開始有點兒失控.....

閑時在家,我都會為我d指甲換上新衣
今次這個還可以吧!!!


用的只係簡單的顏色,其實只要家中甲油的顏色配搭得宜
也可以在家為指甲穿上不同的顏色及款式
只要肯花多d心機及時間,你都可以做到的

自己佈置的聖誕樹,當然要拍照留念喇^^

美肌之誌 ♥ [白][彈][嫩][潤] ♥ 護手系列

面部護理當然緊要，但我地都唔可以忽視手部護理呀
＂美肌之誌＂新推出護手系列有４種不同選擇，分別代表不用性質

✿［白］～　玫瑰
✿［彈］～　橄欖
✿［嫩］～　杏仁
✿［潤］～　牛油果

今次我揀左［白］玫瑰［潤］牛油果

玫瑰妍白極潤護手霜　３０ｇ

主要成份：玫瑰花提取物，梔子花提取物

有效促進肌膚細胞更新
抑制黑色素形成
令雙手肌膚時刻白滑


扭開盒蓋，已傳來陣陣玫瑰花香，味道清淡
質地好細滑，只需取出適當份量，塗放於手上按摩至完全吸收便可

很保濕呢！！
用完之後，雙手變得更滋潤，還有陣陣的玫瑰花香


牛油果絲滑極潤護手膏　３０ｇ

主要成份：牛油果脂提取物，美國山核桃籽油

深層滋潤肌膚及軟化角質
全面解決乾燥問題
令雙手潤滑柔軟

這個牛油果比玫瑰的更有黏性
打開個蓋的時間，手霜可以拉成一絲絲的
味道很甜，難道是牛油果的味道！！

同樣也很保濕，但這個比起玫瑰更加滋潤及更滑呢！！

極潤體驗價：$29.9/2盒
售賣點：各大萬寧／屈臣氏／莎莎／千色店／id:c／Colourmix

特別嗚謝：Beautylife.hk ｘ 美肌之誌



小豬同vv都要同大家講聲 Merry X'mas

♪♥♫ Yummy ♪♥♫ Yummy ♪♥♫

原來而家係屋企,都可以食到街外既拉麵喇!!!
公仔牌出左隻拉麵,真係超正,大大包勁正,絕對用料十足
百佳超市可以買到,我無記錯,價錢大約$19.9 - $29.9 (我唔係記得太清楚)
2款味道"味噌叉燒拉麵" & "豬骨叉燒拉麵"
麵質又滑又煙軔,分分鐘仲好食過X千添... 哈哈!!
我自己就喜歡味噌味,喜歡清淡的,豬骨味就最岩



近排天氣開始寒冬,係時候又要進一進補,潤一潤!!!
鮮人參杞子圓肉煲烏雞 ~ 哩個湯,我諗一年都係煲一兩次
鮮人參我係百佳廣場買,九十幾蚊一pack就有2條參,今轉我只用一條參
中火煲兩小時就有得飲喇!!!!
可以我落得太多圓肉既關係,哩煲湯都幾甜

以下要介紹的係我第一次整架咋 ~~~  蒜蓉牛油雞翼
話說有日weekend開電視睇,做緊一個個飲食節目(曾志偉主持的,有好多美女嘉賓)
某日就心血來潮整左哩味餸出黎....  原來整法就係咁簡單!!!!

最後要介紹的.... 係我的"能"手菜
喜歡食泰國菜的我,每次外出食飯都必會點哩味 ~ 泰式鹽燒魚

不過係出面叫一條鹽燒魚係好貴,最平都要$68/條喇
膽粗粗的我...  於是實行自己係屋企試吓整
一條鰂魚$20-$25... 再買D香茅,青檸,紫薑,檸檬葉... 最緊要一樣野,就係粗鹽
買料都係大約$30...  就已經可以整到一條泰式鹽燒魚,真係好抵食!!!

買魚個時,記得叫魚檔唔洗去鱗,淨劏就ok了
將條魚洗淨,再將個d泰式香料切好,塞晒落個魚肚度
最愛用大量粗鹽搽勻魚身...  我通常會預先整好放係雪柜醃一晚
第二日,就可以用焗爐以250度火,焗20-30分鐘就可以

如果見到魚身上的鹽開始(瑩)結浮面,就差不多熟了...  只要等D鹽焗(LOAN)少少就食得架喇
泰式雜貨舖有燒魚的汁買...  用黎點魚食就一流,酸酸辣辣的!!!

我會不定期咁同大家分享一D美食 
希望可以同大家交流吓煮食既心得
大家要留意住喔!!!!

冰感鎮痛貼！涼透心．．．．

香港哩個繁忙都市,每個日基本工作時間必定至少8小時
返到公司就會對住部電腦,無論要做什麼東西,都會用上電腦
對於做左差不多十年文職的我... 一返到公司就日坐夜坐
坐足8小時,仲要對住部電腦添!!
慢慢發覺成日都會腰酸骨痛兼頸梗肩痛,真係好辛苦
哩d都係長時候對住部電腦而小運動所至
有時真係需要搽吓d按摩膏才可以舒緩到
曼秀雷敦冰感鎮痛貼真係有效舒緩到肌肉疲勞,其實疼痛,拉傷扭傷等

一盒冰感鎮痛貼有5片,質地柔軟同埋好有彈性,而且容易撕貼
就算要貼係其他彎曲部位/關節部位,都可以緊貼皮膚
因為每片鎮痛貼都有10cm x 14cm,可以剪成所需的大小而用
用法很簡單,只需撕去透明膠膜,貼係有不適的部位就可以了

仲附有3片固定輔定貼... 真係夠細心呢!!!

因為今日對住部電腦耐,搞到成條頸都好痛,所以就用整片鎮痛貼貼上
感覺很舒服呀... 冰涼好薄荷的,感覺很爽!!!
敷左半小時,涼陣陣的感覺好似已經滲入皮膚入面
本來有點痛的頸部,都舒緩了不少
不過個d涼涼的感覺,令到我有d兒想打冷震呢~~~

今次試用還有水份潤唇膏-佛手柑

 含乳木果油,維他命E及夏威夷果佐精華等滋潤成份
而且更有SPF15防曬保護,高效的保濕因子鎖緊水份
令到雙唇更加滋潤保濕...

搽左水份潤唇膏,雙唇即時變得好水嫩
冬天用就最岩,唔洗再怕咀唇爆"擦"la

再來,還有透白無瑕BB霜 SPF35 PA++
這個BB cream質感幼滑又夠透薄自然
集合了美肌10大元素
控油,美白,遮瑕,修護,抗氧化,抗皺,彈力肌,保濕,暗瘡護理及粉底
一支有晒10大功效,真係好吸引!!!

試用效果都令我好滿意
因為有時用的BB cream搽左上面感覺會好油膩的
但哩支BB cream一d都唔會有油膩的感覺
反而真係feel到好保濕同埋好乾爽
遮瑕度亦都令我很滿意
這支BB cream我會考慮回購的

全為了聖誕(◕‿◕｡)❤

聖誕就快到....  身邊所以野都係圍繞住聖誕... 滿街都好有聖誕的氣氛
上星期我已開始為公司佈置聖誕...  今年係我係哩間公司度過我第二年既聖誕
全公司5-6個同事,只有我跟另一個同事才會做哩D濕碎事
其他的只會顧住上網... 就連電話都不會聽的"廢人"
肯定會覺得我跟同事才是最無聊的

有時工作沉悶,可以抽空做吓其他野才是最實際的... 哈哈
今年,只係用左一個鐘的時間,就已經為公司佈置了一棵聖誕樹
仲俾我搵返上年佈置個棵,比今年的佈置得還要靚...  超有滿足感!!!!

 

為公司佈置完畢... 接著weekend就輪到要為舖頭佈置了
我就是這樣的無聊人嗎....  男友又將佈置哩一part又推晒落我身上
於是,我地去左昔日的$10店(現在是$12了) 買左好多用黎佈置的裝飾
week6 我就很努力地..  為舖頭佈置..... 佈置!!!!

 

忙碌地佈置完公司及舖頭後,都係時候為自己佈置一番la呱
我就唔會為自己打扮到成棵聖誕機咁既...  就為自己對手作下打扮,應吓節好了
畫上聖誕老人,聖誕樹....  仲有雪人添
全部都係我一筆一筆地畫上的,真係用左我唔少既心機同時間

 

我為舖頭佈置聖誕而換來的籌勞就是如此的造型....... 哈哈(說笑的)
我很喜歡這個大曲髮型呢!!!!

 

很久都無post我跟小豬的合照了.....  你們有沒有掛住她呀????
小豬可能就快當上媽媽了.... 而我亦會當上外婆
不過現在還未太肯定,真的很心急吖!!!!!

希望2013年前會有喜訊為大家公佈吧!!!!!

 

✿愛上Maybelline黑羽扇✿

其實哩篇文應該係2個多月前出的,但一直俾自己藉口 
遲d遲d先la... 一推再推,希望而家分享都未遲la

之前睇過女人我最大,介紹Maybelline Volum'Express瞬盈睫毛液
好似幾好咁...  一支睫毛液,就可以做出帶上假睫毛的效果,真係好吸引
(自問我痴假睫毛的技術一d都唔得,所以我真係寧願搽mascara好過)

Maybelline Volum'Express瞬盈睫毛液 $129
各大萬寧,莎莎,屈臣氏,Colourmix,千色店及Maybelline專門店有售

用左咁多年mascara... 我相信哩支會係我最愛的一支
雖然,它不是防水的,但勝在易卸只要用溫水就可以卸得好乾淨
這也就是我喜愛原因之一

佢有彈性的掃頭,我從未用過一支mascara係咁架
特別的掃頭,我覺得好易掃... 可以令到睫毛掃得更美更平均
加上纖維都幾多,可以令到睫毛更豐富及濃密

好多人都話我d睫毛好長,平時我只愛搽mascara,就這麼簡簡單單的
如果一支好用的mascara,就已經夠我塗出又濃密又夠堯的睫毛
就連痴假睫毛我都不太曉得... 
(真的很醜,就連十多歲的學生都曉,反而我~~!!!!)

(上圖 : 素眼)
看到長長的睫毛嗎... haha
(下圖 : 用睫毛夾,先夾曲睫毛)
我用的係shiseido的睫毛夾,係朋友介紹的,我覺得好岩我既眼型

以"Z"型先塗上第一層睫毛液,已經看到比之前更濃密了
睫毛依然仲可以keep到個弧度,而且又夠挺

我重覆塗上兩至三次,睫毛都無"dum"落黎,反而一次比一次更濃密
我之前用其他品牌的mascara,試過如果搽多幾層,睫毛就會變更重
好易就會"dum"晒落黎,完全keep唔到個弧度

但我發覺maybelline哩隻黑羽扇睫毛液,絕對可以做到出效果
就算塗上三四次,睫毛一d都唔重,反而好似無搽咁,感覺真係好輕型
如果用手指掃一掃d睫毛,感覺一d都唔硬,很柔軟的

完全真係好似羽毛一樣

可以作個對比....  有搽同無搽既分別,濃密程度我覺得好滿意
價錢也夠平民化.... 我本人覺得,真係比痴假睫毛還要好呢!!!
而且持久度也很好,一整天都不會"dum"
我會繼續用的...  值得推介!!!

SOFEI 馬油護髮!!! 頭髮也要食藥!!

好開心...  第一次有機會試用髮型產品
多謝Beautylife.hk X SOFEI給我這個機會

SOFEI 舒妃馬油添加毛髮滋養調理洗髮乳 280ml
SOFEI 舒妃馬油添加毛髮滋養調理膠囊 1.2ml x 12

日本全新升級配方,添加乳鐵蛋白,蘋果賦活因子
採用日本北海道皇家冠軍馬的鬃毛提煉出的馬油滋養成份

淺綠的顏色,很美
馬味就聞唔到喇!!!  
清新的薄荷味就有....  我覺得幾香,我鍾意

加少少水,基本上已起到好多泡泡
不過對於長髮的我,第一輪都要揼兩下才足夠洗一次
按摩既時候,整個頭皮感覺得好涼快!!!

這個調理膠囊一盒有20粒
主要係用作頭皮或頭髮護理
包裝很特別... 第一眼俾我既感覺好似食藥咁
人病要食藥....  頭髮病了也要食藥!!!

綠色的膠囊....  QQ的很可愛,內裡都是精華所在

只要用交剪,剪開膠囊
就可以擠出乳白色的修護精華
味道有點似苿莉花香
用法很簡單
洗完頭 ~ 吹乾之後  **必定要全乾**
可以用一次兩粒膠囊,將精華塗於髮尾部份,不用沖洗
(我自己就用兩粒,因為我D頭髮比較差)
但又唔可以搽太多,否則感覺會好油



用左5天的效果 :
本身我d頭髮已經係勁傷 
因為之前又電又染,而家又拉返直
可以話頭髮已死!!
每次洗頭或梳頭,必定會甩好多頭髮

UM...  未用SOFEI之前
洗頭時甩髮粗略估計有20-30條(絕對無誇大),梳頭也會甩很多
以前真係好擔心越洗越少頭髮~~~
用左SOFEI一次之後,掉髮問題很大改變....  每次洗頭只係甩10條8條

髮質比以前有d改善喇...  貼服左D... 亦無咁乾旱